Ko te tauaki o Te Kura kaupapa Maori o Nga Mauangarongo e mea ana:
  
"E whakapumau ana matou te whanau o te Kura 
nei ki nga matapono o Te Aho Matua"

I timata te kura i te tau 1987, engari kaore i whakaaetia kia utua tae noa ki te wa i whakamatauria e te kawanatanga nga Kura Kaupapa Maori tuatahi, i te Kohitatea o te tau 1990.  

I te 1987, i tu te kura i Te Kareti Kura Pouako o Tamaki Makaurau, katahi ratou ka neke ki etahi ruma i te Kura o Kelston, he kura mo te hunga taringa turi i Waipareira.  

I wehe atu tetahi pekanga o te whanau ki te timata i tetahi kura atu ano, a , i hoki ratou ki te Te Kareti Kura Pouako i te tau 1989.  

Koia i tipu mai ko Te Kura Kaupapa Maori o Maungawhau.

He Matua Kohanga reo ratou i whakatu i tenei kura.  Ko to ratou hiahia ko te pupuri tonu i a ratou tamariki te reo Maori me te ako ma nga matapono o Te Aho Matua.

I te Pipiri o te tau 1998, i neke te kura ki te wahi e tu nei ia inaianei ki nga rekereke o Owairaka, i te rohe o Owairaka, a, i huri te ingoa ki Te Kura Kaupapa Maori o Nga Maungarongo.

Kua tipu, kua puawai a Te Kura Kaupapa Maori o Nga Maungarongo i Owairaka ki Tamaki Makaurau, te taone nui rawa, te taone maha rawa nga ahurea rereke i te katoa o Aotearoa.  Ki te whanau o te kura, te nuinga kua neke mai i o ratou ake rohe a-iwi, he wahi whakaruruhau, he wahi ahuru mowai te kura e ora nui ai te reo me nga tikanga a kui ma, a koro ma.